Í gær kl:16:10 skaust gullfallegur 14,5 marka og 51 cm langur drengur í heiminn. Fæðingin sem átti sér stað heima, undir handleiðslu Áslaugar heimafæðingarljósmóður, gekk vel og fékk sá stutti þann heiður og að koma í heiminn í hjónarúminu heima hjá sér. Okkur heilast mjög vel og gætum ekki verið hamingjusamari. Litli er voða vær og góður og auðvita langfallegastur Mátti bara til með að láta ykkur vita  

Góðan daginn Ég sit hér í makindum mínum að borða morgunmat og skoða visir.is þar sem ég nenni ekki fyrir mitt litla líf að hlaupa niður og sækja fréttablaðið. Á visir.is rekst ég á frétt sem heitir " 25 ára í dag". Og það fyrsta sem ég hugsa er vá... vísir er að segja frá afmælinum hennar Kaju (já.. ég er nývöknuð opna auðvita fréttina og þá sé ég að þetta er frétt um að broskallinn eigi afmæli í dag og sé 25 ára. hahaha... frekar svona kjánalegt og auðvita miklu meira spennandi að segja frá því að söngdífan og háskólastúdentinn Kaja eigi 25 ára afmæli

Innilega til hamingju með daginn pumkin pie

Mig langar að vekja athygli ykkar á ABC barnahjálp en það er hjálparstarf sem veitir yfirgefnum og umkomulausum börnum varanlega hjálp í formi menntunar og heimila þar sem þörf er. Öll framlög sem fara til ABC renna óskipt til barnana þar sem ABC barnahjálp er rekin af rekstrarframlögum og sjálfboðavinnu.

ABC barnahjálp hefur nú tekið inn í skólana sem þeir reka og heimili mikinn fjölda barna af biðlista sem voru í mikilli neyð. Nú er staðan sú að okkur vantar stuðningsaðila fyrir hátt á annað þúsund barna.

Ég trúi ekki öðrum en flestir geti misst 2000-4000 kr á mánuði. Þú þarft ekki annað en að sleppa því að fara út að borða og einu sinni í bíó á mánuði. Þessi peningar gefa börnum svo mikið, menntun, læknishjálp og mat.

Svo er líka rosalega gaman að eiga styrktarbarn, þú færð bréf frá barninu og fréttir af því reglulega og getur í sumu tilfellum meira að segja skrifað barninu bréf á móti.

Ég hvet alla til að kynna sér þetta og taka að sér allavega eitt barn

Við Kaju situm hérna upp á Bókhlöðunni að vinna í BA-verkefninu okkar. Sem er nú ekki frásögufærandi nema bara hvað að þegar við komum úr hádegismat sitja tveir karlmenn, annar svona þrítugur og hinn svona fimmtugur við borð sem er út á miðju gólfi á Bókhlöðunni og því fyrir allra augum og lesa stafla af Bleikt og Blátt blöðum og B&B. Hversu óviðeigandi er það???!!!  Nei, vildi bara deila þessu með ykkur....

Bæ í bili, Sólin sem er með ógeðishroll niður eftir öllu bakinu!!!!

Best að skella inn smá fréttum Ýmislegt á daga okkar drifið síðan í seinustu færslu. Helst ber að nefna að ég fór í sumarpróf í félagslegri sálfræði, einhvern veginn komst ég í gegnum þetta þó svo að skólabókarlestur að sumri til, ólétt og Hreiðar í sumarfrí sé ekki beint mjög spennandi. Prófið gekk samt bara ágætlega, svaf reyndar ekki nema svona 2 tíma fyrir það því stressið og svefnleysið var aðeins að hrjá mig!! þegar prófið var búið brunuðum við Hreiðar inn í Sælingsdal því við höfðum pantað okkur hótelherbergi þar um nóttina svona aðeins til að halda upp á pappírsbrúðkaupsafmæli okkar Ferðin var hreint æði og svo daginn eftir fórum við inn á Akureyri þar sem mamma hafði leigt íbúð í viku og við Hreiðar voru þar frá þriðjudeginu til föstudagsins í góðu yfirlæti Fórum m.a. að skoða Mývatn og Hrísey og margt fleira. Að þessu ferðalagi loknu tók svo bara vinnuhelgi við og svo auðvita bara BA verkefnið!! Jebb, nóg að gera á þessu bæ

Best að fara að koma sér í háttinn Bæ í bili, Sólin

Jæja, komin tími á smá fréttir! Ég er búin að vera svolítið slöpp undanfarna daga og því hef ég ógrynni af tíma til að drepa. Er bara mest búin að vera heima að taka því rólega. Ég ákvað að nýta tíman og gera síðu handa Mola litla þar sem ég skrifa óléttutengdar fréttir Síðan er lokuð en þau ykkar sem þekkja okkur er velkomið að fá aðgang

Síðan er:

molilitli.barnaland.is

Vegna fjölda áskorana ákvað ég að henta inn nokkrum línum Ég hugsa að lífið hérna í Hafnarfirði gæti ekki verið mikið betra þessa dagana. Moli litli spriklar og spriklar en er samt yfirleitt voða góður við mömmu sína, nema þegar hann liggur (já, liggur) á pissublöðrunni minni þá tekur því varla fyrir mig að fara út af klósettinu Annars gengur meðgangan mjög vel, eina sem ég gæti kvartað yfir er þreyta í fótunum og bakinu. 

BA ritgerðin gengur vel, SPSS innslætti dauðans lokið og við byrjaðar að þáttagreina og skoða gögnin. Svo fer sumarprófið að nálgast, eiginlega alltof hratt. Prófið er 20 ágúst. Daginn eftir brúðkaupsafmælið okkar, frekar svekjandi en við gerum bara gott úr því og ætlum okkur bara að halda upp á það eftir prófið

Annars var ég að ranka við mér um daginn að sumarið er hálfnað (meira að segja rúmlega það). Ótrúlegt hvað þetta líður hratt. Þó held ég að við höfum aldrei fengið jafn mikið sumar og þetta sumari hefur verið hér á þessu fróni. Svo maður ætti nú ekki að kvarta.  

Jæja nóg í bili.

Sólin og Moli litli

Við Hreiðar fórum í sónar á mánudaginn, ég ætlaði nú að blogg strax um það en það er bara búið að vera svo mikið að gera að það gafst ekki tími til þess. En betra en seint en aldrei svo ég læt það flakka núna Sónarinn var algjört æði, krílið var reyndar mjög rólegt (ætli það komi ekki frá mömmunni eða kannski móðursysturinni???) en við kvörtum náttla alls ekki yfir því. Allt kom vel út, allir útlimir og líffæri eins og það á að vera. Svo var það að sjálfsögðu rúsínan í pylsuendanum, umslag sem við fengum með okkur heim með kyninu á barninu Við vorum svo búin að ákveða að fara út að borða um kvöldið og opna umslagið Sem við og gerðum og vitiði hvað við eigum von á litlum st****ling Jey!!! Erum að sjálfsögðu þvílíkt ánægð með það.

Til svo að toppa þetta þá fann ég fyrstu hreyfingarnar á þriðjudaginn, það var ótrúlegt. Get eiginlega ekki lýst þessu en er alveg sannfærð um að þetta hafi verið spörk því ég fann nákvæmlega eins í gær. Þetta er þvílík upplifun, enda svíf ég bara á b**** ský þessa dagana

Jæja svona fyrir þá sem hafa ekki húmor fyrir st*****ling þá megi þið slá á þráði og múta mér eða Hreiðari til þess að segja ykkur hernaðarleyndarmálið

Kv. Sólin og spriklarinn hennar

Gleðilegan þjóðhátíðardag Merkisdagur í dag enda á "litli" brósi afmæli, orðin 14 ára, valdi sér aldeilis flott afmælisdag  Í tilefni þess að lýðveldi Íslands og Aron Örn eiga afmæli fórum við stórfjölskyldan niður í bæ og svo enduðum við Elín, Aron og Hreiðar á Rútstúninu að hlusta á mjög framúrskarandi og málefnalega tónlistamenn með bleika þvottahanska svo einhvað sé nefnt

Af öðrum málum er það að frétta að BA verkefnið okkar Kaju tók smá stakkaskiptum!! Gekk alls ekkert að finna rannsóknarverkefni sem var áhugavert um einelti á vinnustað svo við ákváðum að reyna plan B. En það er verkefni um viðhorf menntaskólanema til jafnréttismála. Mjög spennandi bara svo nú er bara að gefa allt í þetta og komast á skrið.

Af enn öðrum málum er það að frétta að við tilvonandi foreldarnir erum að fara í sónar á morgun Sem er æði!!  

Jæja, verið góð hvert við annað  bæ í bili, Sólin

Komin tími á smá fréttir Við Hreiðar gerðumst svo djörf í gær að fjárfesta í nýjum bíl. Fyrir valinum varð ársgamall Toyota Avensis keyrður 18 þ.km. Bíll sem við vorum búin að hafa augnstað á lengi. Enda algjör draumabíll Þvílíkur kaggi með álfelgum og lituðum rúðum Það fyrsta sem ég hugsaði reyndar var "en gott þá skín ekki sól framan í barnið!" haha... móðureðlið farið greinilega að segja til sín

Svo fjárfestum við líka í þurrkara, og það engum smá því hann straujar líka fyrir mann liggur við að hann brjóti saman og raði upp í skápa líka!! þvílíkt flottur alveg Nú sit ég bara og bíð eftir að flutningarkarlarnir komi með þurrkarann svo ég geti drifið mig út á rúntinn á kagganum Ég geri samt ráð fyrir að ég bíði með að prófa þurrkarann þangað til Hreiðar kemur heim því ég veit ekki hversu ráðlagt það er að ég tengi hann sjálf... Hreiðar skrapp til vestmanneyja á golfmót fasteignasala, svo rétt til að sýna þessu körlum hvernig eigi að slá almennilega bolta

En jæja, hérna sjái þið bílinn, okkar er reyndar dökkgrár eða svona steingrár ekki smá flottur

Bæ í bili, Sólin

Jæja þá er við komin heim frá Spáni, ferðin heppnaðist mjög vel enda ekki hægt þegar maður hefur skemmtilega ferðafélaga  Í stuttu máli þá uppskar ég þessar tvær vikur:

- Smá lit Enda var ég orðin gegnsæ áður en ég fór út.

- Föt Fann ekki mikið af óléttubúðum en keypti kjóla og mussur enda hentar tískan í dag óléttínum rosa vel. 

- 14 moskító bit, Kaja fékk 2 og strákarnir ekki neitt!! Ég hlýt bara að vera svo sæt??!!!

- Töluvert stærri bumbu. Vonum að það skrifist á barnið en ekki allar pizzurnar og ísinn sem ég borðaði úti

- og margt margt margt fleira en ég ætla nú ekki að eyða of mörgum orðum í þetta að svo stöddu enda ekki nema rétt tæpur sólahringur síðan við lendum en ég hlakka rosa til að hitta ykkur öll

Bæ í bili, Sólin

Allir krakkarnir horfðu með áhuga á örbylgjuofninn. Nema Binni, hann var inni.

Allir strákarnir dönsuðu við stelpurnar nema Ágúst, hann dansaði við strákúst.

Allir krakkarnir voru auralausir nema Villi, hann var milli.

Allir strákarnir sváfu vel í tjaldinu fyrir utan Skúla, hann var notaður sem súla

Jón var alltaf með bor..en aumingja Stebbi var alltaf með hor...

Alllir strákarnir áttu kærustur nema Stjáni, hann fékk þær í láni

Allir krakkarnir léku sér saman í körfubolta nema Gvendur hann hafði engar hendur

Allir krakkarnir voru með hár nema Halla, hún var með skalla

Allir krakkarnir voru í lúdó nema Ingó, hann var í bingó

Allir krakkarnir voru klárir nema Auður, hún var sauður!

Allir krakkarnir voru úti að hlaupa nema Fjóla, hún var að hjóla!

Allar stelpurnar voru mjóar nema Solla, hún var bolla!

Allar stelpurnar voru ljótar nema Lísa, hún var skvísa!

Allir krakkarnir voru nördar nema Valur, hann var svalur!

Og einn góður í endan

Allar stelpurnar voru sætar nema Sóla, hún var ein stór bóla

Jæja, bæ í bili, Sóla sem er með prófljótu, bólu og paper-cut á fingrinum.

Til þess að stytta mér stundir í lærdóminum tók ég upp I-podinn og setti hann á "Shuffle" svona til tilbreytingar. Verð bara að deila með nokkrum lögum sem pop-uðu upp!!

- The Chipmunk Song (Christmas with the Chipmunks)

- Stúlkan mín (Skítmórall aka Skímó)

- We built this city (Jefferson Starship)

- This I promise you (Nsync)

- Help Me (Nick Carter)

- Ástfangin (Land & Synir)

Haha Veit ekki hvaðan þessi tónlist kemur því ég virkilega ekki ekki með svona lélegan tónlistasmekk Best að kenna bara Hreiðari um þetta

Jæja, best að halda áfram að læra 

Jæja, þá er get ég komið út úr skápnum nei, ég er ekki lesbía svo þið stelpur sem voruð búnar að setja ykkur í stellingar getið hætt að lesa og snúið ykkur að einhverju öðru. Málið er að ég er ólétt Surprise

Við Hreiðar eigum sem sagt von á frumerfingja þann 27.október (sónar vill meina 3.nóvember). En það kemur í ljós, enda skiptir vika engum máli. Við erum að sjálfsögðu rosa ánægð með þessa fjölgun

Meðgangan hefur gengið rosa vel, fékk dálitla ógleði á 6 til 9 viku en hún er nú eiginlega alveg á undanhaldi ef ég passa mig bara að borða mjög oft og sofa mikið. Annars er ég stálhraust og krílið líka  Erum búin að fara í tvisvar í sónar, þann fyrr á 8 viku og þá sáum við litla baun sem líktist hún helst eðluunga en til allrar hamingju sáum við núna í 12 viknasónarinum að þetta er bara venjulegt barn  Meira að segja rosa hraust og flott, það dansaði alveg fyrir okkur og snéri sér í hringi. Þvlík sýning  

Ég gæti náttúrlega skrifað heila ritgerð um allt sem við höfum verið að upplifa síðustu vikur og máuði en ég ætla að hlífa ykku í bil + að ég var víst búin að lofa að verða ekki pirrandi gellan sem talar bókstaflega ekki um annað en barnið/börnin sín     

Svo ég kveð í bili, Sólin sem ætti að vera að læra undir próf!!!

 Hvort er barnið með nefið mitt eða Hreiðars?